胡定欣否認逼婚絕無第三者

視后胡定欣、陳展鵬等昨日宣傳新劇,甩拖的定欣淡定「聊」情傷,自認大個女的她直言因性格不合才分開。至於展鵬搞笑慨嘆「自己都未顧掂」,無法介紹筍盤給定欣。

胡定欣、陳展鵬、劉佩玥(Moon)、伍允龍、袁偉豪及王君馨等昨日於紅磡宣傳無綫劇集《城寨英雄》。定欣及展鵬埋身「合體」玩sit up,緋聞男女Moon及伍允龍則示範「女上男下」掌上壓。

日前與音樂人陳明道分手的定欣淡定地講分手原因,她稱早前放假「叉足電」,分手後沒有負面情緒:「個假期一早定咗,去到飲吓同食吓。(有冇喊吓?)冇啦,唔係第一次拍拖。每次經歷令自己成長,冇負面情緒。」

陳展鵬冇筍盤益拍檔

有傳定欣因有第三者介入而分手,她強調分手與別人無關,只因性格不合才分開,並否認逼婚,但未有透露誰提出分手。她又指與前男友分開一個月,但仍有聯絡,目前未有諗過復合,希望傳媒不要追訪及打擾對方。

展鵬被問有否慰問甩拖的定欣?他說:「希望佢all the best,大家錫佢就畀多啲空間佢,好快會好番。」問他會否介紹「筍盤」給定欣認識?展鵬即笑稱:「緣分嘅嘢自己都未顧掂,點顧得到人哋?」

劉佩玥擔心壓傷伍允龍

至於Moon被問到與緋聞男友伍允龍玩掌上壓時有否尷尬?她自稱重磅,擔心壓傷對方:「放開懷抱去玩,如果真係有嘢就會尷尬。」

文:影視組