谷德昭愕然：佢冇講夫妻嘢
「抗癌勇士」張達明與太太何念慈昨日宣布「分」訊，達明一眾好友都大感愕然！達明的好友谷德昭接受本報訪問時反問記者消息從何而來，他指達明平日並未提及夫妻事：「真係唔知，雖然成日聯絡，但佢冇透露夫妻間嘅嘢。（佢有冇唔開心？）佢好忙，成日叫佢出嚟飲嘢都話好忙！」問到可會對兩人的決定感可惜？他說：「成年人決定，希望大家支持佢，畀啲空間佢哋啦！（呢排多啲陪佢？）佢都好多嘢做，好忙！」
至於組合農夫早前曾與張達明合作舉行3場棟篤唱，對於張達明與太太宣布「分」訊，陸永說：「覺得好愕然，係睇即時新聞先知。嗰時達明哥完全冇異樣，唔覺得佢唔開心，況且嗰時我只關心佢身體狀況，冇過問私事。」他認為達明是成年人，應該是經過深思熟慮後才有此決定，身為外人的他毋須過分擔心。問到綵排棟篤唱期間可有見過何念慈探班？他說：「冇喎！又唔係拍劇、拍電影，我哋度橋啫，我太太都冇嚟探班啦！」
