黃玉郎強攻影視好好賺

黃玉郎昨日在動漫節為其漫畫作品舉行簽名會，談到老友黃百鳴的孫女出世，他笑說：「未去睇佢個孫，好戥佢開心呀！尋晚見到佢都冇畀相我睇！」問到下一本作品，他透露仍在籌備階段，計劃明年推出：「依家都係傾向製作多啲新嘅系列，香港靠銷量係冇乜錢賺，依家傾向做多啲電影、電視同遊戲嘅計劃。（有傾緊？）都有傾(口架)！價錢仲愈來愈好，好到冇朋友！（咁咪唔使再出書？）咁又唔得，依家要做到一個系列，到成熟要兩、三年時間先產生到商業價值。」