藝人馬浚偉忙於籌備今年十一月的舞台劇《偶然·徐志摩》，集監製、編劇、導演及演員於一身的他，心情既緊張又興奮，近日他為舞台劇主題曲重新灌錄《偶然》，原唱者陳秋霞得知後透過陳秀珠向他表達鼓勵，令他勁興奮：「特別版單曲碟一出，我一定會預留一張畀秋霞姐姐，好期待秋霞姐姐聽完之後畀啲意見我！」
聲音有點乾澀、沙啞的馬浚偉，因休息不足，導致喉嚨不適，他說：「距離舞台劇公演仲有三個月，大家已經開始分組排戲，無論嗰場戲有冇我，我都會喺度，所以唔係好夠休息，又講得太多嘢，搞到喉嚨發炎！」
