周秀娜釜山獲獎 順便執靚個樣
女星周秀娜剛在韓國釜山《亞洲新媒體電影節》的「網絡電影單元」中，勇奪「最佳女主角」。一回港就要工作的她，分別在前晚與昨日出席活動，透露為品嘗釜山美食，專程留多一日，笑言幾個女仔在當地齊齊買化妝品及研究化妝技術：「可以執番靚啲個樣。」
韓國流行整容，問到有否真的考慮微調？周秀娜笑言：「我執極都係咁嘅樣。（接受到？）深信呢樣嘢會好普遍，不過自己未諗到要去執。人總有狀態差嘅時候，我唔滿意係我唔化妝時會有乾紋，之前出街都好少化妝，但依家都會搽唇膏，等個樣精神啲，寧願用化妝品補救。」對於有指她與監製黃永峰疑翻撻，她即說：「有撻過咩？可唔可以畀個好啲嘅我？講笑，佢係好好嘅朋友，我同佢識咗好耐，佢老婆我都識。大家唔好趕絕我嘅追求者，冇翻撻，因為冇撻過。」
見慣風浪冷看負評
而周秀娜、許雅婷等有份配音的電影《冰河世紀：隕石撞地球》，在港上映兩日收250萬，昨日台前幕後拉隊往戲院謝票及開香檳慶祝。談及於釜山獲獎，有人質疑賽果的認受性、賽制及提名準則等，周秀娜說：「今次係第一屆（口者），而我嘅電影雖然喺香港上戲院，但內地只係喺網絡播放。至於機制問題，我冇深入研究過，只係有人鍾意自己嘅作品就開心。咁第一屆可能好多嘢未成形，凡事有開始、有發展都係好事。」對於圈中人的負評，她並不介懷謂：「每件事都有正、反兩面。（影響心情？）我今日好開心，有咩風浪未見過呢？」
文：名人組