馬國明 楊秀惠 被潑紅油臭味攻鼻

「紅油」臭氣沖天，馬國明同秀惠都大叫怕怕！

馬國明與秀惠被潑的「紅油」由番茄膏溝入紅色顏料調製而成，雖然易於清洗，茄膏的氣味卻濃郁刺鼻，適逢拍攝時室外溫度高達30多度又悶熱無風，難免要鼻子受罪，幸而專業的他們一Take過完成拍攝。秀惠事後猶有餘悸，她說：「啲『紅油』好臭，我洗咗半個鐘，個頭好似仲有陣味！（做足準備，着泳衣打底？）冇，呢場戲本來唔使中我，但為咗效果好啲，決定我都要中埋『紅油』。拍嗰時我仲大嗌，結果有一啖入咗口，真係唔識形容嘅臭味！（馬國明有保護你？）劇情有交代佢保護我，佢喺現場都有叫倒『紅油』嗰陣中多啲佢。呢場戲係當晚最後一場，拍完工作人員即刻畀水我哋沖洗，但啲味都真係好難聞！」

• 被潑「紅油」的馬國明和秀惠極為狼狽。