Bobby着倉底泳衣露點找數

藝人歐陽震華、呂慧儀（長腳蟹）、胡楓、羅蘭、張頴康和張彥博等，昨日出席劇集《一屋老友記》祝捷會，慶祝劇集上周四播映的第29集收視高達32點，有逾205萬觀眾收看！眾人大談感受時都大感不捨，無綫助理總經理杜之克預告《一》劇演員將拍攝旅遊節目。而原本缺席祝捷會的滕麗名驚喜現身，捧着蛋糕為Bobby慶祝56歲生日，更與「長腳蟹」齊齊吻賀拍檔，Bobby其後再與胡楓咀嘴！

阿滕呂慧儀水着笠頭

Bobby之前曾揚言若收視高收會着泳衣，昨日他兌現承諾換上逾20年前在《壹號皇庭》穿過的一件頭「泳衣」，款式似足舉重裝，風騷的他狂擺大隻佬甫士，笑言縮肚縮到冇氣，全場爆笑！期間，胡楓出手拉低Bobby的吊帶，令他露點，阿滕即以外套幫Bobby遮身，而大會出動多套泳衣，玩到癲的阿滕及「長腳蟹」竟將泳裝笠上頭！

「添食」拍旅遊節目

受訪時，Bobby笑言自1994年後已沒再穿過該件泳衣：「好彩屋企裝修搵番，今次用嚟找數，得把口唔得嘛！」提到將拍攝旅遊節目，他明言不想坐長途機：「最好係韓國、日本、台灣，歐洲我去過，依家太亂，無謂嚇親。」問到會否想拍《一》劇續集？他希望陸續有來，又表示最想演舞台劇版：「可以巡迴不停做，上埋內地演！」

至於阿滕透露昨晨要陪奶奶到西環入院做小手術，最後還是決定出席活動，並透露之後要到馬來西亞工作一周。她指拍攝旅遊節目最重要的是睇人腳：「聽聞喺台慶嗰排播，檔期要再就。」此外，她透露今日可能會與劇中演員食飯睇結局。

文：影視組