黃心穎心急搵「姐夫」
藝人黃心穎、李佳芯、劉佩玥、張秀文、陳婉衡及林泳淘等，昨日出席2016第十八屆香港動漫電玩節「myTV SUPER動漫狂熱」活動。心穎自爆心急為單身的家姐黃心美搵好歸宿，卻遭請食檸檬：「我戥佢心急，不過佢都好多選擇。（會唔會鍾意同類男仔？）家姐鍾意睇外表，我鍾意有才華，所以唔怕撞。（有冇男仔分別追你兩姊妹？）唔會啦，咁大膽，除非認錯啦！」
劉佩玥日前與張彥博直播合唱獲網友讚賞，問是否希望做歌手？她笑言要睇公司安排：「我由細都鍾意唱歌，亦有學過幾堂點樣運聲用氣。」佳芯則透露有份主持的節目《學是學非》系列即將添食，但成員或有加減。
