法拉自爆 18歲小鮮肉力追

陳法拉昨日出席《瑞典Volvo全新S90旗艦行政房車發布會》，擔任嘉賓的她於台上表示揀車如揀男友，還大讚擔任司儀的陳智燊是典範，叫他好好照顧好姊妹宋熙年！

鬼仔同學夠膽死

每年暑假都會跟家人去road trip的法拉，很享受駕駛過程，問到揀男友是否需要如揸車般要有安全感？她說：「當然要。（以前啲人畀唔到安全感你？）唔關事，我揀得都有安全感，但都要性格夾、價值觀啱、有共同興趣，又要有教養，譬如我演舞台劇時，要識趣關電話，唔好影響表演者嘅情緒。」

陳法拉與一眾高層出席新車發布會。	陳法拉跟高層乾杯。	陳智燊

問到可知薛世恒有D cup新女陪過生日？她說：「私人事問番佢，我冇留意。（有冇聯絡？）有，仍然係朋友。（祝福佢？）當然。」之後她自爆在紐約有位18歲的追求者：「佢都夠膽死，係鬼佬同學仔嚟嘅。（接受忘年戀？）梗係唔得啦！佢成日約我，不過小朋友我識應付。」笑言被年輕男孩追求，心境亦變得年輕。

下月飛美國開學

回港演出後，即成為TVB的搶手貨，法拉笑說：「抬舉我啦！冇見過任何經理人，我喺美國讀演藝課程仲要讀兩年，9月1日就要返去開學，所以長期嘅project接唔到，電影都推咗好多。（損失好大？）有得着嘅，讀書係自我增值，好值得。」對於有指金牌監製梅小青與無綫助理總經理余詠珊爭用她一事，她說不清楚。

文：名人組