徐小鳳喊驚喝退
殿堂級歌手徐小鳳的８場紅館演唱會前晚正式揭幕，她身穿粉紅色波點魚尾裙演唱多首經典金曲後，邀請了一名內地男歌迷上台，要求對方在悲傷的音樂下用身體語言表達內心的傷感。該名歌迷立即七情上面，更跪地「喊晒口」，他欲上台行近小鳳姐時，小鳳姐非常抗拒，更立即用普通話說：「你要幹甚麼？你不要過來，我害怕！你不可以過來，我們是有距離的！」全場爆笑！
擺呂方瘀事上枱
當晚的嘉賓有呂方、陳奐仁及極地探險家李樂詩。徐小鳳與呂方合唱《彎彎的月亮》，穿白色西裝外套的呂方身形明顯比之前脹了不少。而小鳳姐想落台換衫之際，搞笑地擺呂方的瘀事上枱，笑說：「聽聞呂方破晒紀錄，佢係第一次跌落台嘅歌手，呢個係光榮，第二次又係呂方，第三次先係阿Lam（林子祥）！」徐小鳳又自爆夢想是做香港小姐，由工作人員披上斗篷後，她即繞台一周！
夢想係做香港小姐
完騷後，徐小鳳接受訪問，提到歌衫令上圍升Cup，她笑說：「做闊咗咋嘛！」問到夢想是否做香港小姐？她說：「係呀！可以代表香港有咩唔好？（會有泳衣環節！）都得，着衫喺出面，冇問題呀！」提到在台上自言經常發夢，可曾夢見另一半？她笑說：「都有(o架)！不過睇唔到面，一定要高過我，係基本要求！（有好多歌迷向你示愛！）佢哋隨口噏啫，何必咁認真？不過都好開心嘅，畀佢哋乘機嗌吓囉！」
文：音樂組