朱盈盈怕與律師拍拖：鬧交唔夠佢嚟！
中國小姐朱盈盈於動漫節開幕，應邀到會展門外為避孕套品牌宣傳。以軍look示人的她爆鈕露bra搶鏡。問到可有試用產品？她答：「單身咗3年，所以冇用過。（唔想拍拖？）想o架，不過冇得強求，最緊要合眼緣。」她又笑稱近日被律師追求：「我驚佢口才太好，第二日鬧交唔夠佢嚟喎！」
另外，藝人鄧洢玲（阿旦）亦於動漫節為新手機遊戲宣傳，提到她與舊愛黎國輝飼養的愛犬突然離世，阿旦謂：「之前知狗狗有事，我就帶埋狗狗兩隻BB返去探媽媽。做主人嘅要有心理準備，不過我知道消息都喊咗出嚟。」
