Robbie捧蛋糕扮隱形 遮唔晒喎！
42歲的英國男歌手Robbie Williams近年不時上載出位短片，日前他又再出招，與老婆Ayda Field拍咗段片，問老婆如果可以揀隱形或者食極唔肥，會揀邊種超能力？老婆就揀食極唔肥，而Robbie就揀隱形，原來短片仲有下集！
Robbie前日在Instagram上載全裸捧住肉色蛋糕的短片，露住毛邊行邊說：「個蛋糕浮緊，我隱緊形！」負責揸機的老婆Ayda即說：「你冇揀到隱形，你揀咗個蛋糕，我可以見到你嘅……見到你嘅蛋蛋出咗嚟！」之後Robbie就小心翼翼閃走喇！