宋熙年孖姊妹婚前「偷食」

將於年底與陳智燊拉埋天窗的宋熙年，近日與一班姊妹團包括陳爽、李亞男與龔嘉欣等到曼谷旅行，進行婚前單身派對！宋熙年指今次旅程以食為主，由上飛機吃到落機：「每日食四、五餐，去試唔同嘅Fushion餐廳，除咗食仲有去做Spa，夜晚成班女仔就喺酒店房傾偈。」問到可有向陳爽與李亞男請教夫妻相處之道？她說：「又冇傾呢樣，反而陳爽同另一個朋友講湊仔經，我哋就喺度聽。」因食得太瘋狂，各人回程前一晚要在房內齊齊跳「鄭多燕舞」減肥消滯！宋熙年指高海寧與朱璇原定同行，但因有工作而甩底，還透露龔嘉欣會為陳智燊做兄弟，今次成功招攬她屆時做臥底！