陳智燊 宋熙年入紙排期結婚

無綫藝人陳智燊與宋熙年一直愛得甜蜜，去年男方求婚成功，兩人已拍下婚紗相，原來他們更於上月24日入紙排期申請結婚，意味在三個月內正式簽字結婚。身在外地的宋熙年透過短訊回覆，承認已入紙申請，但婚宴仍保留在12月舉行，她說：「我哋係遞咗紙結婚，都係正常步驟，照常係年底12月喺香港擺酒，所有嘢進行中，遲啲再同大家交代啦！多謝大家！」至於陳智燊表示婚禮已搞得七七八八，但兄弟姊妹分工尚未傾妥，至於真正簽字日期仍未落實。