陳寶珠抗拒第二春
粵劇名伶陳寶珠、梅雪詩（阿嗲）日前接受電台節目主持人車淑梅訪問，寶珠難忘當年拜已故粵劇名伶任劍輝（任姐）為師的經歷：「只係戰戰兢兢奉上一杯熱茶，冇任何拜師禮物；拜師後都冇正式跟任姐上堂學習，好羨慕阿嗲可以喺師傅身邊學習。」阿嗲則直言以前排戲經常被白雪仙「教到喊」：「後悔咁多年嚟都冇膽量同師傅講，自己係佢瘋狂影迷，因為咁我先報考雛鳳鳴劇團。」
離婚已30多年的寶珠，被問曾否遇上「第二春」？她表現抗拒：「單身嘅感覺好舒服，其他就隨緣，我追求平淡人生，多姿多采實在太煩、令人攰。」阿嗲則自爆未拍過拖，但不覺有遺憾，因已把愛全都奉獻給舞台。