蝦頭出書冇契爺包 搵契弟幫襯

昨日是書展的第三日，不少藝人到會展宣傳新書及寫真，當中「蝦頭」楊詩敏推出新書分享減肥經歷，獲男友邵子風及龍小菌撐場。「蝦頭」笑言不知道初版的印刷量，又暗寸聲稱獲契爺「包書」的o靚模：「其他o靚模吓吓都話賣8,000本嘛，又話有契爺包起幾多本，我諗我得800本，應該都有啲契弟幫我買嘅！」

Zenia谷「湯碗胸」省招牌

提到減磅經歷，她透露由高峰期的150磅減至117磅，過程令她明白健康的重要性：「期間出現好多病，例如月經失調，有好多斑，又有敏感。以前我有好多壞習慣，但減肥過程戒甩咗，依家好健康，磅數唔會再升番。（有愛情滋潤會Keep得好啲？）我身邊位朋友好鍾意食消夜，對我係好大挑戰，其實第一本書應該送畀佢，希望佢都注意健康。」

蝦頭（右）出書分享減肥血淚史，男友邵子風同老友龍小菌都有撐場。	Zenia谷胸上陣，仲叉腰Chok甫，任影唔嬲！	Cherry養過軟飯王，諗番都呻笨！

至於有「嫩版李彩華」之稱的模特兒朱盈盈（Zenia）谷出「湯碗胸」宣傳寫真月曆，吸引不少龍友拍照，她說：「我第一次推出月曆，賣點唔係性感，係用心同創意，造型係我一手包辦，自己亦有份投資。（最滿意咩造型？）女僕，性感又可愛，唔會食香蕉，我係食曲奇餅。（下年再出寫真？）想特別啲，見到有本爆肌男寫真，或者可以出啲可以撕嘅寫真！」

馮凱淇養軟飯王呻笨

而歌手馮凱淇（Cherry）在新書分享愛情經歷，勸女士不要愛得卑微，又自爆曾有個「軟飯男友」：「嗰陣喺英國同外國男仔一齊，佢唔做嘢，我為咗佢去餐廳做侍應養佢！拍咗拖五年，佢仲幾乎偷食，諗番都覺得自己蠢！」另外，她昨日出席馬來西亞歌手李承運在港舉行的新歌發布會，現時單身的她表示最近遇上不少怪人。

文：影視組