謝婷婷出動「胸」器：唔係特登push
藝人謝婷婷以超低胸連衣裙現身，大騷「胸」器，相當性感！記者笑指她身材豐滿了，她笑說：「係有內衣打底，（push咗？）唔係特登push。（你接唔接受隆胸手術？）我嘅身形就唔使，但有朋友做媽咪餵人奶後，胸部會下垂，餵人奶後（胸部）都會有大細嘅分別。」
提起父親謝賢即將80歲，問會否擺大壽？婷婷說：「佢好唔重視，我逼佢坐低真心問佢想唔想搞生日派對，佢怕麻煩到人，我有幾年唔記得佢生日，佢都話冇所謂，呢排佢肋骨痛，我話去陪佢，佢又話唔使。（佢口不對心？）係呀，我覺得人好難有80歲，等90歲再搞就可能會後悔。（最後決定點慶祝？）會一家人食飯。（兩個孫都返嚟？）仲搞緊啲交通安排。」
同場的新加坡富家女石貞善透露大部分時間留在新加坡，打理自家時裝品牌，問屢傳婚變的丈夫吳建豪支不支持她？她說：「我哋互相支持。（仲有冇嗌交？）所有情侶都嗌交，所有情侶都有爭執。」再追問爭執有否影響夫妻感情？工作人員即擋駕謂不談私事。
