阿嬌驚攝灶罅唔再做伴娘

組合Twins與英語名師Dr.Tann昨日在書展出席簽名會，吸引大小歌迷到場支持，阿Sa透露作品收錄了Twins唱過的英語兒歌：「我哋以前出過兒歌碟，估唔到銷量係最高！我同Miss Tann都識咗好耐，所以一齊出本教材，增加小朋友對學習英文嘅興趣。」問到下次可會想自己推出英文書？她笑說：「暫時未得，仲要繼續努力。」

「筍盤」全部排錯隊？

提到阿嬌日前擔任陳妍希的姊妹團，獲讚是「最索姊妹團」，阿Sa立即代答：「佢不嬲都係我哋組合嘅顏值擔當！可惜我因為白事去唔到，我哋好早已經傾點樣玩伴郎同買衫買鞋，但都冇辦法。」問到玩伴郎是否很刁鑽？阿嬌說：「OK啦，男仔應該應付到。（你靚得滯，迷到佢哋乜都照做？）梗係唔係啦，冇關係！」她又表示婚宴當日沒有遇到「筍盤」，在旁的Dr.Tann說：「阿嬌嘅筍盤排到唔知去邊！」阿嬌聞言笑說：「佢哋可能排錯隊，我乜都見唔到！」

做夠四次要落閘

有指婚禮當日，懷孕的陳妍希有飲酒，阿嬌代為否認，而問到可會做BB的契媽？她即大呻收契仔契女，以及做伴娘的次數都很多，她說：「唔可以做太多次伴娘，會嫁唔出，所以要停止做，已經做咗四次啦！」流露着一顆恨嫁的心！阿Sa笑問阿嬌：「咁我結婚，你唔做（伴娘）啦？一齊結啦！不能（同年）同月同日生，但願（同年）同月同日嫁！」

文：音樂組　

攝：李柏儒