GaGa沙灘自摸做騷咩!

美國樂壇百變天后Lady GaGa日前在加州駕駛新買紅色貨車,因未掛車牌被交通警員截停,其後她在社交網自爆瘀事訴苦,獲粉絲留言呵番錫錫,即刻回復靚靚心情,翌日帶住媽咪及一眾好友飛到墨西哥度假。GaGa被拍到着住粉紅色低胸泳衣勁晒迷人身材,舉高手同朋友玩之餘,又將沙灘變做舞台,不停彎身倒奶騷事業線,又自摸上圍及手放屁股做疑似心心手勢,還將手指放嘴邊一副含春蕩漾相,睇到周圍泳客目瞪口呆。