胡琳「嫁」得理想
歌手胡琳加盟新公司，獲承諾安排全方位發展，明年更會踏足紅館開個唱圓夢，她形容自己恍如出嫁，談到剛推出的唱片掀起炒風，她無奈地說：「我唔鼓勵，希望歌迷快啲買到啦！」
胡琳昨午舉行記者會，宣布簽約朱明銳主理的「理想天映」旗下，並邀得薛家燕、何麗全及向雪懷等前輩到場支持，朱明銳即場為她戴上「后冠」。公司承諾以一千萬打造胡琳作歌、影及舞台劇全方位發展，又落實明年為她舉行紅館個唱，而胡琳粉絲團則送贈金咪給偶像打氣，靚女即場獻唱自己的歌曲《東風》娛賓，場面相當熱鬧！
性感冇底線
受訪時，胡琳笑言自己「出嫁」：「嫁咗畀公司囉！（簽幾年？）呢個係秘密，最緊要大家夾，就唔會計較合作年份。（紅館個唱喎！）有得做，一場都開心，所以唔講檔期同場數，我冇乜要求嘅。」對於剛推出的唱片斷市被炒，她說：「出咗萬幾隻，聽朋友講一日之後已經冇得賣，正常售價二百零蚊，好快已經話大型連鎖店炒到三百幾。我唔鼓勵炒風，希望樂迷快啲買到啦！」
入行10年的胡琳形容以往事業發展如龜兔賽跑，未來希望演藝事業能各方面平衡發展，而下月初她將以女主角身份演出薛家燕監製的微電影《愛在起跑線》：「會演老師，第一次咁重戲份。（未來性感演出都得？）我冇底線同形象嘅，唱歌同私底下嘅我反差好大，演員只不過係演出工具，除非銳哥（朱明銳）反對啦！」
薛家燕邀做女主角
薛家燕則透露今次邀得王梓軒及胡琳出任《愛》片男女主角，會投資二、三十萬作製作費，笑言未與兩位主角傾片酬：「囝囝會做製片、囡囡都會幫手，近日忙於同佢哋開會。（同仔女合作感覺點？）做嘢嘅時候，佢哋會叫我做家燕姐，返到屋企先畀叫媽咪。呢套戲會喺網絡同電視台推出，仲會攞去參加比賽。」談到深夜重播《皆大歡喜》，她笑稱忽然多了登台邀請。
文：影視組