陳瑞瑩難敵7年之癢宣告甩拖

模特兒陳瑞瑩出席品牌預展，透露早前到法國出席好友婚禮，更順道慶祝27歲生日。她表示：「喺嗰邊飲咗好多紅酒同食咗好多芝士。不過因為好多工作，所以只係留咗四日就返香港。」現正單身的她與拍拖7年男友分手一個月，透露現有不少追求者：「我同佢一齊成長，變成唔同嘅人。我哋仍然鍾意大家，但覺得做朋友好啲。（再一齊？）冇人知。（有冇人追？）有人追，啲人成日叫我去食飯，但我覺得唔啱我。」她坦言擇偶條件要愛動物、有愛心及令她時常快樂。