區瑞強具慧眼一早（目及）中哥哥
資深歌手區瑞強（Albert）為紀念明年入行40周年，今年首度推出新書《我們都是這樣唱大的》，並於本周四在書展舉行記者會和樂迷分享音樂成長路。剛從沖繩登台回港的Albert昨日接受電話訪問時，指書中內容全圍繞其音樂經歷，當年在電台任DJ及歌手期間認識不少好朋友，包括譚詠麟（阿倫）、張國榮（哥哥）、鄧麗君、林子祥、陳百祥及陳百強（Danny）等。
陳百強不打不相識
問可有告知好友及其家人會在書中提及往事？Albert說：「冇喎，佢哋唔知o架喎，不過我本書全部係寫樂壇8、90年代嘅黃金歲月，全都都係好嘢、趣事，係集體回憶，唔係爆料。」他透露花了近一年籌備，明年會推出下集講其他好朋友。
Albert在今年推出的上集中談及和已故巨星哥哥首次見面時的趣事：「其實係哥哥講番畀我知，佢話當年大家喺碼頭撞見，佢仲未入行，係佢認得我先，哥哥話當時我成日望住佢。」而與另一已故巨星Danny，Albert形容兩人是「不打不相識」：「當年Danny喺琴行練電子琴，我喺隔籬教結他，因為佢彈到好嘈，我想過隔籬鬧佢。」
阿倫熟啲着數啲
談到當年做電台DJ時，與哥哥及阿倫分屬好友，問Albert較多播哪位的歌？他說：「其實哥哥同阿倫啲Fans互鬧之嘛！佢哋兩個冇嘢o架！不過我同阿倫親近啲，對佢啲歌熟啲，咁會着數啲嘅。」
文：音樂組