林雅詩全裸解脫婚變之痛

藝人林雅詩（Grace）去年考獲潛水牌照，日前大解放到海灘親親大自然，順便減壓。去年以個人寫真集贏得口碑的她，今年卻退下火線，將會為自編自導的微電影，配合宣傳推出寫真，並以心路歷程為主題，風格大膽之餘更會全裸上陣，她說：「係一本關於我微電影劇照嘅小冊子。（性感？）都幾大膽，形容我當時嘅心情，有啲係黑白相，有啲係全裸，想表達個人乜都冇，好無助。（幾時出？）準備緊。」

Grace透露寫真亦會帶出離婚之痛的負面感覺，她透露與老公溫文英離婚一事已交由律師處理：「努力解決中，前排上咗庭，全部嘢交咗畀律師處理。（囝囝知道？）知道，佢有問搞成點，但太深入嘅嘢就冇講，驚佢擔心。」

囝囝就係「新男友」

與囝囝相依為命的Grace坦言不欲再談戀愛，甘願為囝囝自我封盤：「感情事唔想再諗，因為囝囝都唔係好想我拍拖，佢有次問我：『咁我係咪你男朋友？』我就話：『係呀，咁你以後就會保護媽咪。』諗起都好好笑，但其實好窩心。」

Grace去年考獲潛水牌照，孭起裝備隨時潛得水！	Grace大讚囝囝孝順又窩心，以後靠晒佢保護！	放大圖片

文：專案組

攝：劉斌

潛水用品：海森林活動訓練中心

妝髮：Natalie Wong@T.C.W. studio