唔學家姐戴辛尉留港掃平樓

歌手戴辛尉前晚出席拯救遺棄寵物的活動時表示現時有教唱歌，但推卻返內地執教鞭：「因為媽咪悶，佢啲朋友忙湊孫、移民，所以成日黐住我。」又有意稍後出歌。提到家姐戴蘊慧在英國買下不少物業，問到現時英鎊下跌，家姐可會再入貨？戴辛尉說：「佢唔會咁急加注或諗住溝淡，佢比較穩定。（你有冇買樓？）我有買樓投資，但香港多，太遠嗰啲Handle唔到！雖然係貴，但有啲地點都平嘅。」同場的龐景峰指家中的唐狗是領養回來：「隻狗好樣衰，我哋叫佢做Ugly，下巴兩隻牙凸出嚟，又鍾意放屁，但好Sweet、好嗲人。」