阿旦搭產房做「執媽」
藝人鄧洢玲（阿旦）昨日帶同7歲的愛犬出席活動，她透露自小開始養狗，已親自為愛犬接生7次，更在家中搭建小產房：「當時用舊床單同棉被整產房，但都大失預算！狗狗一胎生七隻BB，我親手接生同剪臍帶，好血腥，最後一隻仲因為缺氧而夭折。」愛心爆棚的阿旦坦言揀男友的先決條件是有愛心：「鍾意小動物嘅人，心哋都唔會差！」
提到曾亮相節目《G-1格鬥會》，問到會否參加第二季？她承認獲邀，但尚未答應演出：「未做最後決定，要睇時間同節目玩法，問清楚細節先！」她又透露會亮相ViuTV的體育節目，目前忙於拍片教打拳及烹飪。