黃美棋食檸檬捱摑
藝人黃美棋偕男友鍾健威（Ray）與冼國林旗下新人阮頌揚（Brian），日前齊齊在牛頭角排練首演的舞台劇。劇情講述美棋向Brian表白被拒，更慘遭「兜巴星」，身旁的鍾健威立即出手阻止。Brian笑稱擔心因掌摑「女神」美棋而星途盡毀，提到在劇中對美棋又攬又抱，佢笑指在Ray監場下有壓迫感，又表示以工作為重，暫未考慮拍拖。
而Ray被問到與美棋首次情侶檔合作，是否奉旨談情？他笑說：「劇中佢做咗阮頌揚嘅老婆，自己就暗戀咗佢15年！」美棋則笑男友在現實中得到她，劇中只好「食檸檬」。Ray又透露今次是他推薦女友做女主角，全因彼此有默契無懼NG，美棋卻表示望住男友便會笑場，演得尷尬！
