林子祥瓷婚扮失憶 沙麗詐型問罪
【戴穎怡澳門直擊】林子祥前晚在澳門開騷，獲老婆葉蒨文（沙麗）及兒子林德信擔任嘉賓。沙麗指昨日是兩人結婚20周年的大日子，阿Lam卻扮失憶，沙麗即大興問罪：「你返到屋企就大鑊！」
殿堂級歌手林子祥前晚在澳門威尼斯人舉行《林子祥越唱越響40年演唱會－－澳門站》，與香港站演出一樣，阿Lam甫出場便落台與母親合唱《Que Sera Sera》，他笑說：「畀啲掌聲我媽咪，我要多謝佢畀咁多頭髮同咁多氣我去唱歌，因為佢好長氣！」
玩「靜音」 愛足20年！
他之後再邀請太太葉蒨文及兒子林德信上台合唱，沙麗問道：「知唔知聽日（昨日）係咩日子？」阿Lam為配合她而假裝忘記，沙麗說：「你返到屋企就大鑊！1996年7月17號我哋結咗婚，一齊過咗20年，佔咗你入行40周年嘅一半，所以我係你嘅另一半！」她又爆料指老公在家中不愛說話，阿Lam聞言笑說：「就係因為我哋成日唔講嘢同見唔到面，先一齊到20年！」
受訪時，記者問到會如何慶祝結婚20周年？阿Lam透露會與老婆撐枱腳：「會出去食，佢都冇乜喺屋企煮，但佢煮得幾好，鍾意搞啲新嘢，之後搵我試。（煮啲咩？）鬼佬嘢，都啱我口味嘅。」提到沙麗投訴他在家中少說話，可會趁結婚周年講「我愛你」補數？他笑言有些事不用說出口：「Feel到就得啦！感情唔係講或者做出嚟，我哋一齊咁耐，好似同啲觀眾嘅感情一樣，一撻着大家就Feel到！」他又指家中已有太多物品，所以不會交換禮物：「唔好再買嘢喇，好多嘢都用唔到，有心意就得！」
另外，葉蒨文昨午12時許現身養和醫院，穿短裙運動裝的她與兩名拿着外賣飯盒的助手前來探望母親，至下午2時離開。
文、攝：音樂組