為粒紅棗搞到入醫院？無綫藝員沈卓盈前晚在微博上載躺在病床及左手手指包紮的相片，並留言：「唔小心被刀切親，結果縫咗3針，好痛好痛，要好好休息同戒口了！」之後她接受本報電話訪問，表示昨午為煲湯而切紅棗，不慎跣手而切傷，她說：「用生果刀批紅棗，唔小心跣一跣切到左手手指，流咗好多血，見到都有啲暈。醫生建議我縫針，幫我打咗兩支麻醉針同一針破傷風針。（飲紅棗水補血？）我掉晒啲紅棗，但都有飲番茄汁！」她續說因為受傷關係，要請假未能出席昨晚的《萬千星輝放暑假》。