張名雅情深對望公告戀情
早前被拍得與任職律師的蔡錦豪（Joe）煙韌拍拖的2012年港姐冠軍張名雅，本來對戀事不欲多提，但昨日竟在社交網幸福放閃，上載兩人情深對望的合照，並以英語留言感謝對方常伴在她身邊及充滿愛。
張名雅昨晚出席《萬千星輝放暑假》，甜絲絲否認放閃或宣示主權，被問到戀情開始了多久時則大賣關子說：「拍咗拖一段時間，之前食飯畀人影咗啦。係經過了解先拍拖，拍咗幾耐就唔講，想保持私隱。」她表示透過共同朋友認識，她笑言：「其實有好多男仔追我(0架)！當然唔會同每一個追我嘅都一齊，否則我咪好唔得閒！（求婚？）如果認真拍拖，都會討論呢個話題，如果有好消息會公布。（閃婚？）等我有好消息先公布。（會唔會有結婚打算？）每對情侶如果認真拍拖都會有呢個想法，唔會諗住玩玩吓，都要睇大家夾唔夾，不過同佢嘅步伐係一致。」
