林韋辰涉醉駕候查仲可揸車

昨晚林韋辰出席活動時，提到本月11日凌晨在青沙公路遭警員截停，經「吹波波」測試後證實曾經飲酒，他涉嫌醉駕被捕，並獲准保釋，需於8月上旬到警署報到，他說：「現交由律師跟進，進入司法程序，唔能夠講咁多！但都勸大家小心啲（揸車）。（超標幾多？）過咗10度。（飲少啲？）其實都少飲，朋友同我講，過咗10度唔算豪飲。（算犯法？）交咗畀律師處理，我都唔太清楚！8月有結果，我依家都可以揸車！」