張秀文拋胸「加建」唱兒歌

藝人張秀文、林泳淘和陳婉衡昨晚以性感Cosplay Look，與一班小朋友跳唱人氣動畫兒歌，全場最性感的她們被指「撐起個場」，直認是「代表性人物」的張秀文說：「上次着呢套衫，個Top都有少少跌落嚟，所以今次特登『加建』。（加咗咩？）有條橡筋喺裏面綁住，你哋睇唔到。」

由於表演有跳舞成分，陳婉衡指因練舞着平底鞋，但現在換成高踭鞋，所以擔心扭親跌倒：「我哋講好咗有咩事就扮暈！」另外，高海寧在九龍塘戶外直播中表示最近忙於拍攝新劇《不懂撒嬌的女人》，因此狂煲《法証先鋒》及《甄嬛傳》等鑽研演技。