謝婷婷被豹吻 唔驚死！
藝人謝婷婷藝高人膽大，為藝術完全不顧危險！昨日她在社交網上載一張靚相，相中婷婷穿上性感三點式，露出白滑玉背，但重點不單單是身材，她的拍檔竟然是一隻豹，兩者更是零距離接觸，可謂真人完美演繹「美女與野獸」！
相中婷婷輕輕抬起頭，表情高傲又cool，豹的上唇則貼住婷婷下巴，差點嘴對嘴！相中的豹擘大個口，露出尖利牙齒，加上豹並非溫馴動物，一不小心觸怒牠，分分鐘出意外，婷婷這樣為藝術豁出去，膽細啲都影唔到！
對住頸擘大口
婷婷憶起當時情況，覺得很幸運影到這張相，她說：「我當時都唔知點解好冷靜，其實相機捉唔到最緊張嗰一刻，隻豹曾經向住我條頸擘大個口，可能因為動作好快，當時我只係將個頭移後一下，好冷靜，冇驚，呢個向我條頸擘大口嘅動作，有兩次咁多，但都冇事，最後只係舔咗我對眼。當我回想呢輯相，都覺得好amazing，成個旅程同好多動物影相，好幸運。」