吳婉芳囝囝高富帥男神!

被譽為「超級美魔女」的名媛吳婉芳,昨日與一對仔女現身沙田馬場。吳婉芳與仔女企在一起恍如三姊弟,特別其就讀牛津大學的二子Lynus,一副高富帥明星相,而且從未拍拖,是筍盤中的筍盤。

現年48歲的吳婉芳,86年奪港姐亞軍兼最上鏡小姐和才華小姐,成為三料港姐,其後與商人胡家驊共組美滿家庭,育有三子女,多年來其冰封美貌被網民封為「超級美魔女」。昨日她帶着二子和細女現身馬場,其家族的愛駒「喜蓮獎星」破一班紀錄時間贏得沙田一哩錦標,勇奪逾百萬獎金。

讀書叻從未拍拖

贏馬開心之餘,最驚喜莫過於其20歲的二子Lynus曝光!現就讀牛津大學三年級的Lynus高大英俊,集男神潛質於一身,名副其實高富帥。吳婉芳接受電話訪問時,對二子被讚靚仔,她笑說:「合格啫!你哋唔好咁抬舉佢。(有男神水準。)唔係,OK啫!(拍拖未?)冇拍過拖,亦冇帶過女仔返嚟見我哋。今次放暑假返嚟都係日日見我,哈哈!(唔畀佢拍拖?)唔會,好想佢拍添,呢啲係緣分。」對於兒子讀書叻,各方面條件優勝,她說:「唔好讚佢,呢啲係應該嘅,唔好少少嘢就驕傲,唔知第日做嘢點,未來日子仲好長,要保持謙虛心態。(畀佢入娛樂圈?)仲讀緊書,唔會喇!」她透露孻女亦已大學一年級,仍未拍拖,而昨日未有現身的大仔,今年亦大學畢業,胡家可謂一門三傑。而在社交網站可見Lynus擁有八舊腹肌的健美身段,亦曾試過短期出家體驗生活。

鄺美雲掃興閃人

昨日馬場除吳家三母子閃爆現身外,亦星光熠熠,包括藝人曾志偉、陳玉蓮、鄺美雲、何傲芝、吳浩康與一對夫婦朋友入場。其中鄺美雲(Cally)捧其愛駒「甜蜜鑽石」出賽,可惜愛駒臨場退出,這已是牠季內第二度臨場退出,相信Cally必定十分掃興。

文:名人組