蔡加讚夠貼地帶女做義工

「玩具大王」蔡志明兒子蔡加讚（Karson）、賭王三房公子何猷啟及名媛鄺美雲（Cally）昨日出席義工活動，擔任青年義工榮譽團長的Karson，希望遲些可親自帶囡囡Celine一同參與義工服務：「佢依家太細，當佢真係幫到手、唔係去搗亂時會帶佢去。」他續透露囡囡會跟孖生弟弟分享玩具：「雖然玩嘅玩具唔同，但都會share。（囡囡冇呷醋？）小朋友少少呷醋好正常，不過我哋好識平衡。」又指囡囡很喜歡抱弟弟，但仍然分不清二人，會不時叫錯名。

落手落腳去做

問到會否有時間舉家去旅行？Karson表示暫時工作較忙碌，但必定會抽時間去玩：「生咗小朋友後會想做多啲慈善事，對住小朋友好親切，同老人家傾偈又好開心，佢哋會分享好多嘢畀我知。（你係咪貼地嘅人？）做義工就係最貼地，因為要落手落腳去做去了解，如果大家唔啱channel就做唔到。我做義工團隊好多年，大家都住喺香港又點會唔了解大家嘅生活。」

鄺美雲與何猷啟為慈善出錢出力。

蔡加讚透露稍後若有時間，會舉家去旅行。

猷啟食女友早餐加分

而猷啟表示曾參與送禮物和探望獨居老人，問到會否與外籍索模女友Angelika齊做義工？他坦言未有機會，但會鼓勵對方參與。他續稱因為與女友是異地戀，見面時間不多，只試過女友炮製的早餐，但女友懂煮食已加分，又自認是廿四孝男友：「我唔揀飲擇食，咩都擺落口。（唔好食都食？）唔太好食都會食晒。」另外，一向有做義工的Cally，表示需經常保持歡喜的心態才能持之以恒，又揚言終生義工是自己的目標，她大讚Karson和猷啟非常熱衷義工服務，跟自己一樣對慈善出錢出力，響應「施比受更有福」。

文：名人組