黃美棋拒教男友演戲驚嗌交！
昔日童星原島大地與黃美棋昨日出席商場活動，兩人童心未泯大玩運動遊戲，又跑又跳！大地於2003年、年僅5歲時與張栢芝、劉青雲合作拍電影而為人熟悉，而美棋則早於1995年起當童星，如今兩人都長大成人，早於今年金像獎碰過面的他們，被問可有互相分享做童星時的點滴？仍未習慣面對記者的大地怕醜表示沒有，並笑言當童星時的生活已忘記得七七八八。
月底再來港
目前仍在東京讀高中的大地今日會啟程返日本，至於是否打算返港發展演藝事業？他說：「未定，讀完高中先算，月底會返嚟香港一次做嘢！」又透露工作多在香港及內地，問是否為賺學費？他笑說：「夠用嘅。」並指家人支持他入娛圈。目前未有女友的大地，被問若加入娛圈會否擔心被挖情史？他說：「咁搵到都冇計o架。（有冇影過情慾照？）冇啦，冇影過呢啲相！」
情侶檔合演
美棋則透露將與男友鍾健威合演舞台劇，非常期待：「我都係第一次做舞台劇，我又未見過佢做戲，都幾緊張，有時排排吓戲都忍唔住笑！」問可有指導男友做戲？她笑說：「唔敢！啲長輩話呢種情況好易嗌交，教戲留番畀導演啦！（有冇嗌交？）梗係有啦！平時都有。」又指男友在舞台劇中飾演暗戀她多年的人。
文：影視組