Aka@SG捐畫作5分鐘賣清
組合Super Girls昨日出席義賣活動，各人表示捐出衣物、鞋與精品等物件，其中Aka捐出親手創作的畫作：「啲畫由2012年開始畫到依家，紀錄咗我入行咗心路歷程，都有啲唔捨得！（高價賣出去？）賣三百幾蚊一幅，但好開心聽講今朝開賣五分鐘已經賣晒，依家再攞多幾幅出嚟。」其他成員即力撐畫工厲害的Aka應該開畫展。
講到Aka前緋聞男友吳業坤即將舉行紅館騷，問她可會捧場？其他姊妹即幫手擋駕，Cheronna說：「我哋五個人會去睇。（坤坤話考慮唱你哋嘅新歌？）考慮咋？係應該要唱！」Aka終開聲：「叫佢唱多兩首，佢揀乜都得。」至於同場的陳詩欣表示下次有意捐出載滿不快回憶的物品：「好似拍拖紀念物，費事見到諗起慘痛回憶。」