索爆乖女芷欣拍拖 老公呷醋抗議
卿卿的17歲索爆女兒胡芷欣，兩年前與日韓混血同學Chris發展甜蜜初戀。不過一對小情人明白學業為重，兩人最近忙於應付大學入學試而減少見面，希望在學業上作衝刺！
其實Chris早已過了卿卿一關，獲讚性格乖巧，父母做醫生的他家教好，卿卿說：「其實我都當咗佢係我半個仔，所以批准佢同芷欣拍拖。（小情侶拍拖要喺你屋企，要打開門談情？）約法三章嘛！」Chris深得卿卿歡心，胡兆明卻「呷醋岳父」上身，不願乖女成為別家男生的情人，卿卿笑說：「佢唔鍾意個女拍拖，覺得被分咗一半（愛）咁！」