黎燕珊讚乖仔神級筍盤

藝人黎燕珊（Eva）及活動顧問盧世昌昨日在灣仔出席講座，擔任星級導師的Eva分享作為單親媽媽的心路歷程，與前夫劉永分開多年的她坦言見到子女生性就不再記恨：「覺得仲恨乜？唔值得再喊，要多啲寬恕別人。」她自認慳家，又笑指17歲的兒子盡得其真傳，非常懂事：「之前佢部電話爛到見到零件都唔話我知，隻鞋着到穿窿都唔換！」問到會否擔心兒子難追女仔？她即踢爆是籃球校隊成員的兒子是校園男神：「我見佢頻頻做運動Keep Fit，問佢係咪拍拖？點知佢搞笑話喺學校被封男神！佢自律又懂事，會喺凌晨Online上課外遙距課程進修，日後邊個嫁到佢都好有福氣！」