王浩信陳自瑤放閃張秀文羨慕恨嫁

Vincent與YoYo昨午出席《AEON STYLE康怡開幕巡禮》，吸引大批粉絲到場支持，場面熱鬧。7月7日33歲生日的Vincent獲大會送贈會籍，老婆亦識做獻吻，更有粉絲專誠前來送蛋榚，教他相當感動。他開心地說：「佢哋（粉絲）好好，我哋咁（結咗婚）仲支持我。（有咩生日願望？）希望老婆快啲練到馬甲同人魚線，佢身體一向唔係幾好，似藥煲，想佢做多啲運動，身體健康啲。」

有諗生多個

問到有否搞生日派對？YoYo表示：「以前會同佢撐枱腳，依家囡囡已經4歲，乜都想參加，所以今年選擇同屋企人一齊食飯。囡囡同我親手整咗張卡畀佢。」她又扮呷醋，指老公很享受與囡囡獨處「拍拖」，記者打趣叫她「追仔」，可以親近自己多點，Vincent即搶答：「等我哋養好身體先，會向呢方面努力，不過我會尊重太太意願，而且依家乜都話起跑線，所以真係會諗。」

陳自瑤自動波咀老公，明晒恩愛。

張秀文很羨慕陳自瑤嫁到好老公。

遲婚冇所謂

Vincent夫婦大放閃光彈，閃到同場張秀文心癢癢。她笑謂：「佢哋兩公婆真係好sweet。（你都好sweet喎。）講我粒酒窩？睇見佢哋咁幸福，搞到我都嚮往組織幸福家庭，不過依家係我入行以來最弗狀態，都想繼續拚搏先。講真就算3、40歲未結婚，我都冇所謂。（如果有人求婚會接受？）咁問我梗係唔會啦，求婚嘅嘢係一剎那事之嘛。」

文：影視組