蘇麗珊大肚呻辛苦
影壇新貴蘇麗珊在新片《狂獸》中飾演張晉的養女，她大讚對方沒有前輩架子，更親自教演戲，令她獲益良多：「張晉真係一個好Nice嘅前輩，不時教我做戲，等我可以有進步。試過有場戲做得唔好，當時情緒好低落，佢一直幫我打氣，仲鼓勵我話『你做得好好』，聽到真係覺得好振奮又感動！」
蘇麗珊為該片獻出多個「第一次」，除穿上一件頭泳衣演出外，更首度扮演大肚婆：「我要喺肚度塞好多嘢扮大肚，都幾重吓，拍完第二日腰痠背痛，同埋諗起媽咪當時佗住我都係咁辛苦，9個月期間都腰痛，真係好多謝佢，要返去錫啖佢先得！」
服裝：ithk
場地：太子酒店add＠Prince