李曼筠控制熱氣球掂！

熱愛旅遊的女星李曼筠（Maggie）早前獲台東旅遊局邀請到訪當地，過了四日三夜親親大自然難忘之旅，不怕辛苦的Maggie親嘗摘水果、採茶及試海產，最難忘是觀賞國際衝浪比賽及趁熱氣球節登上熱氣球！她說：「我除咗坐上去，仲獲安排有得親自控制，佢哋話我有潛質，想推薦我去考試添！」她又與少數民族舉行營火會，非常盡興：「我哋身處大草地上，喺用竹茅起嘅屋入面玩民族遊戲同唱歌跳舞食嘢，好似拍戲咁，望上天見到個天空真係無邊無際，月亮同雲都特別靚，係香港見唔到嘅！我仲睇住佢哋打獵設置機關，又將採好嘅茶葉即刻整嘢食整嘢飲，每一樣經驗都係畢生難忘！」