許志安操fit半肥瘦最正

歌手許志安、名模馬詩慧二女王麗嘉、歌手蔡一傑、蔡一智等昨日出席藝術展活動，安仔直認到場觀看藝術作品為今年推出的新唱片封面取靈感：「想搞新意思，今次係同四隊band合作出唱片，今（昨）日出首歌係RubberBand幫我寫。」又計劃年尾開band show。現時安仔正操fit身形，笑言正處於半肥瘦階段：「以前瘦底，想大隻啲，好似傑仔（蔡一傑）咁，有意無意露吓手臂。依家半肥瘦煲湯就正，過多一個月就成熟期，可以同傑仔鍊吓。」