Rosemary生B順其自然

名模Rosemary、韓君婷及湛琪清等昨日於觀塘apm商場出席活動。聲沙到場的Rosemary谷胸凸點現身，她透露剛與老公Jason由冰島旅遊返港，問有沒有喜訊公布？她說：「冇，之前去倫敦同西班牙工作，再去冰島旅遊。（想喺冰島造人？）我冇懷孕。」她又表示生B順其自然：「我同Jason計劃過未來，嘗試plan吓。（plan幾時生？）好難講，由天決定。」
Rosemary谷胸現身，非常養眼。
Rosemary谷胸現身，非常養眼。

同樣Deep V打扮的韓君婷笑言不怕與Rosemary比較：「我哋身形唔同，佢運動型，我細粒型。（你少做運動？）佢老鼠仔大過我。」早前因意外破相而接受整形手術的她表示不心急進行第二期手術，因為復原需時，她說：「我比較忙。（醫生都話OK？）係想唔想100% perfect啫。」湛琪清則指表姐汪圓圓的一對孖仔好似樣，只有表姐能夠分辨。

韓君婷（左）和湛琪清一身打扮甚有夏日氣息。
  • 韓君婷（左）和湛琪清一身打扮甚有夏日氣息。