王大業否認戀傅穎

皮草太子王大業昨日出席好友周國豐開設的男士概念店開幕，提到昨日被傳與藝人傅穎（Theresa）拍拖，單身的他再三否認，斬釘截鐵表示冇發展機會，澄清二人只是普通朋友食飯：「佢啱啱返香港，約埋食餐飯，係朋友，唔係拍拖，真嘅我會認。畀人講果啲緋聞，得一個（指何超雲）係真。（有冇心儀對象？）新心儀對象？冇。（即係有舊？）唔知，有啲突然，下次先講。（被指整容？）講都無人信，睇完自己都笑一笑。」