劉浩龍「第三條跑道」大滿足
加埋近百歲的劉浩龍（師兄）同鄭丹瑞（阿旦）相約足球場熱血練波，阿旦自爆想以「飛天守龍」絕技挑戰歐洲四大球會！師兄則慶幸多年來沒有離開過夢想，近年找得「第三條跑道」拍電影的他，希望與阿旦一樣試新嘢試到60歲！
歌手劉浩龍（師兄）近年在網上直播訪問明星好友，日前他邀得金牌主持鄭丹瑞（阿旦）做訪問，兩個大男人一行埋就齊齊講波。
練波練到曉飛
現年60歲的明星足球隊門將阿旦自爆計劃越級挑戰歐洲球隊：「我後生時做前鋒，中間因為做嘢就冇踢，再踢番就已經冇人畀我踢喇，結果隊友叫我打龍門，發現冇人同我爭，件衫又靚啲！但就咁打就冇進步，啲波友就話不如拍個紀錄片，去挑戰歐洲四大球會。」機緣巧合下阿旦認識了守門員教練朱國權，訓練模式跟足足球先生「英雄輝」葉雄輝，阿旦笑言：「依家我60歲人畀佢（朱國權）練吓練吓曉飛喎！」
「起碼有得做吖」
師兄支持阿旦之言，做人跟他的新歌《第三條跑道》一樣，有很多不同的選擇，最緊要「有心唔怕遲」，亦慶幸自己比較好彩，一年班立志要做歌手，到參加新秀經過七年推出第一隻碟，總算圓夢：「嗰七年好多人叫我放棄，我只求出一隻碟，真係唔得，咪返去賣錶或者其他嘢。」轉眼十一年，幸仍有機會出唱片。
十一年來似乎紅歌不紅人，師兄直言做歌手最重要有「飲歌」，而最開心是已找到拍電影這「第三條跑道」，現時更是愛電影多過唱歌。當他在街上聽到有人讚他的演技便會好滿足：「我唔覺得星途唔好，起碼有得做吖！」
師兄不介意像阿旦般60歲人仍挑戰新事物，性格開放的他甚麼都敢試敢做：「有人問我有冇興趣打拳，我細個學跆拳道黑帶，後來cut晒冇學，一來覺得無謂，二來怕兩位男子攬埋一齊囉。」
文：音樂組
攝：吳文聰
劉浩龍服裝：Nike
鄭丹瑞服裝：Puma
場地：南華體育會