關楚耀諗計跟曹星如學拳

前晚藝人關楚耀（Kelvin）與拳壇「神奇小子」曹星如以大使身份出席活動啟動禮，Kelvin透露下月會拍攝內地真人騷，當中更會上山下海：「會潛水、去好高嘅大廈抹窗同耕田。（你有潛水牌？）冇呀，唔識潛水。（唔怕？）怕都冇辦法，惟有頂硬上。」他自爆有畏高，但笑言到時驚都會繼續盡chok型樣，又表示自己、公司及電視台都有為拍節目買重保險。講到同場有曹星如，他笑言想叫對方教打拳，而自己則教他唱歌。對此曹星如笑說：「講嘢我已經唔得，唱歌更加唔得。」他亦表示現時集中在運動方面發展，暫無意入娛樂圈，並謂下場賽事預計是10月。講到他現時19場連勝，比賽可會有壓力？他說：「話冇就呃人，始終有少少，不過會將壓力變成動力。」