Bobby自嘲彈盡糧絕

歐陽震華（Bobby）昨日出席活動，談到林文龍與宣萱回巢拍劇，他搞笑地說：「一個女大、一個冇拖拍嘛！（你拍唔拍？）我彈盡糧絕啦！不過係前世欠咗佢嘅，講真，我熟嘅監製走得七七八八，添哥（李添勝）退休，都淨係話遺憾未同林峯合作過咋，咁又真嘅，有市場我都拍林峯啦！（你呢？）我又真係未同添哥合作過，人夾人。（遺憾？）唔會，係都雙方啫！（佢話真係有權力鬥爭？）處處都有，做自己嘢囉，不過我要澄清，我冇分黨分派，嗰時只係拍開珍姐（曾勵珍）幾套，Mark實晒啲期，另一邊又點搵我？我只係出無綫嘅糧。」