藝人洪永城前晚在微博上載與人妻裕美鬧出緋聞的黃子恆及與蔡思貝等合照，照片中見眾人在無綫內的餐廳飯敍，將黃子恆的行蹤洩密！洪永城昨日在灣仔出席活動時直認與黃子恆傾過偈，更講足三次指黃子恆目前狀態被動，記者先提到裕美老公Jason拍片叫黃子恆出來交代事件，如真的喜歡裕美就講，問到會否叫黃子恆面對傳媒回應事件？他說：「唔知佢點處理，呢件事有啲複雜，佢係被動狀態！」問到可會給予意見？他低頭想了良久，並說：「er……有同佢分析點處理，佢係被動狀態。（心情？）一般！（你知內情？）佢唔係好講，我知道嘅消息都係睇報紙，我唔係好方便講，佢依家係被動狀態。」