張曦雯舊照曝光爆整容疑雲
無綫藝人張曦雯（Kelly）眼大鼻尖，不時被讚靚女，但最近有人在instagram開設帳戶，上載Kelly的舊照並留言：「整容前後對比！」相中的Kelly皮膚黝黑，眼及鼻都與現時略有不同。記者致電Kelly，她說：「嗰個係我嚟，係細個15歲時影嘅，我都解釋唔到點解啲相咁唔似我！」
她起初表示不清楚上載者的身份，亦不知道對方如何取得她的相片，其後卻說：「好似係一個男仔嚟，應該知係邊個，佢Tag過我，不過我冇理佢。（佢點解有呢啲相？）唔知，啲相係我以前喺美國影嘅，同一日、同一個地方影，以前係肥啲，面大啲，但我冇整過容囉！」問到可有因此不開心？她表示初時有點不快，但亦無可奈何。記者指她的外貌與以前有很大分別，會否擔心令人誤會她整容？她說：「唔驚，因為有好多細個到依家，一路長大嘅相片，個樣都係依家咁嘅樣。」
