加拿大男歌手Drake早前在大宅搞派對時發生索女互毆事件，而美國男歌手Trey Songz上周日於弗吉尼亞州搞豪華池邊派對時，同樣有女伴大打出手，堅係慶合合收場！
據知31歲的Trey當日豪擲逾62萬港元搞派對，仲晒肌為700名賓客搞氣氛，引來不少比堅尼索女埋身，Trey更玩到將幾個女仔掟落水，全場High爆！不過派對另一邊，就有賓客拍到三名索女在人群中打大交，左一拳右一拳相當兇狠，仲打到「裙拉褲甩」內衣盡露，要兩名壯男出手調停。